Ысык-Көлдөгү маданий мекемелердин абалы текшерилди 

Маданият, маалымат жана жаштар саясаты министри Мирбек Мамбеталиевдин тапшырмасы менен министрдин биринчи орун басары Союзбек Надырбеков Ысык-Көл облусун кыдырып чыкты. Бул тууралуу ведомствонун басма сөз кызматынан билдиришти. 

Иш сапар Балыкчы шаарынан башталып, Түп, Каракол, Ак-Суу, Жети -Өгүз, Тоң жергесине чейин уланды.

Анда райондук жана шаардык маданият мекемелери: китепканалар, маданият үйлөр, музейлер, театр жана искусство мектептеринин абалын текшерди.

Жыйынтыгында ар бир объект боюнча жеринен реалдуу маалыматтар алынды жана бул маалыматтарды министрлик мындан аркы иш-пландарды түзүүдө колдонот.

Ал эми мындай жеринен таанышуу министрлик өлкө боюнча улантат.