ЮНЕСКО: Кыргыз тили – потенциалдуу аялуу тил

ЮНЕСКОнун сайтында кыргыз тили оозеки, бирок потенциалдуу аялуу тил катары сыпатталган.

Жалпысынан Бүткүл дүйнөлүк тил атласынын методологиясына ылайык, бүгүнкү күндө дүйнөдө өкмөттөр, коомдук институттар жана академиялык коомчулуктар тарабынан документтештирилген болжол менен 8 324 тил бар.

Анын ичинен 7 миңге жакыны азыр да колдонулууда. Ошол эле учурда, ЮНЕСКОнун маалыматы боюнча, 846 тил азыртадан эле жок болуп кетүү коркунучунда турат.

Ethnologue маалыматы боюнча, бардык тилдердин 44%ы (3,1 миң) жок болуп кетүү коркунучунда турат, башкача айтканда, алардын ар биринде 1 миңден аз сүйлөгөндөр бар.

Ошол эле учурда, дүйнөдөгү эң ири 20 тил жалпысынан 3,6 миллиарддан ашык адамдын эне тили болуп саналат. Бул дүйнө калкынын дээрлик жарымы сүйлөгөн дүйнө тилдеринин 0,3% гана түзөт.

Дүйнөдө эң көп сүйлөгөн тилдер:

• Англисче,
• Кытайча,
• Хиндиче,
• Испанча,
• араб,
• Франсузча,
• Бенгалча,
• Португалча,
• Орусча,
• Урдуча.