Чүй камералык оркестри аймактарда гастролдук концерттерди өткөрөт

Чүй камералык оркестри гастролдук сапарга чыгып, классикалык музыканы аймактардын жашоочуларына жакындатууга багытталган концерттик программасын тартуулайт. 

Маданият министрлигинен кабарлашкандай, гастролдун алкагында оркестр Тогуз-Торо жана Жумгал райондорунда концерт берет. Долбоордун максаты — классикалык музыканы кеңири аудиторияга жеткиликтүү кылуу, жандуу оркестрдин аткаруусун аймактардын маданий жашоосунун ажырагыс бөлүгүнө айландыруу жана көрүүчүлөргө жандуу музыканын өзгөчө таасирин тартуулоо.

Концерттердин өтүүчү жайлары:

• 18-сентябрь — Тогуз-Торо райондук А. Сыдыков атындагы маданият үйү;
• 19-сентябрь — Жумгал райондук Ч. Дүйшеева атындагы балдар искусство мектеби.

Концерттерге кирүү акысыз.

Чүй камералык оркестринин жандуу аткаруусундагы классикалык музыкага күбө болуп, өзгөчө музыкалык атмосфераны сезүүгө бардык каалоочулар чакырылат.