Көчмөндөр оюндарынын алкагында 800дөн ашык маданий иш-чара өткөрүлөт

VI Дүйнөлүк көчмөндөр оюндарынын алкагында беш күндүн ичинде 800дөн ашык маданий иш-чара өткөрүү пландалууда. Бул тууралуу Дүйнөлүк көчмөндөр оюндарынын маданий программасынын штаб жетекчиси Гүлбара Абдукалыкова Бишкекте өткөн брифингде билдирди.

Анын айтымында, маданий программа беш негизги аянтчаны камтыйт. Алар:

• Кырчын капчыгайындагы этношаарча,
• «Рух Ордо» маданий борбору,
• ат майданы,
• «Дордой-Номад»,
• Көчмөндөр цивилизациясынын борбору.

Программанын алкагында эл аралык фестивалдар, концерттер, сынактар, мастер-класстар, этнобазар жана башка маданий иш-чаралар өткөрүлөт.

Учурда маданий программага катышуу үчүн 400дөн ашуун адам расмий аккредитациядан өттү.