Ош шаарында музей тармагында эмгектенген кызматкерлер сыйланды

Ош шаарында Эл аралык музейлер күнүнө карата музей тармагында эмгектенген кызматкерлерди сыйлоо аземи өттү.

Мэриядан кабарлашкандай, иш-чара “Сулайман-Тоо” улуттук тарыхый-археологиялык музей комплексинде уюштурулду.

Аземге Ош шаарынын мэриясынын, президенттин Ош облусундагы ыйгарым укуктуу өкүлүнүн аппаратынын жана профсоюз уюмдарынын өкүлдөрү катышты.

Иш-чаранын жүрүшүндө музей кызматкерлерине ардак грамоталар тапшырылды. Расмий өкүлдөр тарабынан куттуктоо сөздөр айтылды. Тарыхый мурастарды сактоо, изилдөө жана коомчулукка жайылтуудагы эмгектин маанилүүлүгү белгиленди

Катышуучулар ошондой эле “Сулайман-Тоо” тарыхый-музей комплексинин экспозициялары менен таанышып, маданий мурастарды коргоо жана аны келечек муунга өткөрүп берүү ишине колдоо көрсөтүүнүн зарылдыгын айтышты.