Бали! "Ак шумкарлар" Катардын курамасын утту

Кыргызстандын футбол боюнча улуттук курама командасы бүгүн Катар менен беттешип, Азиянын учурдагы чемпиондорун утту.

Оюн  2026-жылдагы Дүйнө чемпионатынын тандоо турунун алкагында Бишкектеги Дөлөн Өмүрзаков атындагы стадиондо өттү. 

Эки таймга созулган оюн Кыргызстандын пайдасына 3:1 эсеби менен жыйынтыкталды. 

Курамалардын беттешин президент Садыр Жапаров жеке өзү колдоп барды. Ошондой эле бул беттешке күбө болуу үчүн Катар футбол ассоциациясынын президенти - Уулу даражалуу Джассим Аль Буанинин жетекчилиги алдындагы Катар ассоциациянын делегациясы Бишкекке келди.