Бишкекте Snow Leopard Run жарым марафону өтөт

Бишкекте 29-сентябрда бешинчи эл аралык кайрымдуулук жарым марафону Snow Leopard Run 2024 өтөт. Бул тууралуу мэриядан билдиришти.

Иш-чара Ала-Тоо аянтында 4 миң 500 адамдын катышуусунда өтөт.

Жарыш 5 чакырым, 14 чакырым, 21,1 чакырым аралыктарды, ошондой эле 3 жаштан 13 жашка чейинки балдардын жарышын камтыйт.

Жарым марафондук маршрут борбордук көчөлөр аркылуу өтөт.

Буга байланыштуу эртең мененки саат 6:00дөн баштап көчөлөрдүн төмөнкү тилкелерин жабуу пландалууда:

• Чүй проспекти  Манас проспектисинен  Ж.Абдрахманов көчөсүнө чейин;
• Абдрахманов көчөсү  Чүй проспектисинен Иманалиев көчөсүнө чейин;
• Иманалиев көчөсү Ж.Абдрахманов көчөсүнөн Айтматов проспектисине чейин;
• Масалиев көчөсү Ж.Абдрахманов көчөсүнөн  Айтматов проспектисине чейин.
• Ч.Айтматов проспектиси  Иманалиев көчөсүнөн  Чүй проспектисине чейин.

Каттамдын боюна электрондук хронометраж системасынын пункттарын, ошондой эле катышуучулар үчүн тамак-аш пункттарын (жолдун бөлүгүндө) орнотуу зарылчылыгына байланыштуу эрте жабылат.