Кыргызстандык самбочулар III КМШ оюндарында төрт медаль жеңди

Азербайжандын Гөйгөл шаарындагы олимпиадалык спорт комплексинде III КМШ оюндарынын алкагында самбо боюнча мелдештер жыйынтыкталды.

Аталган мелдеште Кыргызстандын төрт спортчусу байгелүү орундарды алды.

• Ильяс Абжалиев (71 кг) – күмүш медаль;
• Марал Байбосунов (79 кг) – күмүш медаль;
• Эльдар Аскарбеков (53 кг) – коло медаль;
• Илья Сухинин (98+ кг) – коло медаль.

Жалпысынан III КМШ оюндарында 13 өлкөдөн келген 1624 спортчу күч сынашууда. Оюндар 8-октябрда жыйынтыкталат.