Бишкекте KFU Football Awards 2024 мыктыларды сыйлоо аземи өтөт
Кыргыз футбол биримдиги футболдогу жетишкендиктер үчүн жыл сайын өтүүчү индивидуалдуу сыйлыктарды тапшыруу аземин өткөрөт.
Кыргыз футбол биримдигинен кабарлашкандай, салтанаттуу азем 2024-жылдын 10-декабрында өтөт.
Аземдин түз алып берүүсү Кыргыз Спорт ТВ каналында жеткиликтүү болот.
Сыйлыктар төмөнкү категориялар боюнча өз ээлерин табат:
- Кыргыз Республикасынын мыкты оюнчусу
- Кыз-келиндер футболунун мыкты оюнчусу
- Футзалдын мыкты оюнчусу
- Футболдун мыкты жаш оюнчусу
- Футболдун мыкты машыктыруучусу
- Кыз-келиндер футболунун мыкты машыктыруучусу
- Футзалдын мыкты машыктыруучусу
- Футболдун мыкты калысы
- Футзалдын мыкты калысы
- Мыкты спорттук уюм
- Мыкты регионалдык ассоциация
- Мыкты футбол клубу
Эскертсек, «Кыз-келиндер футболунун мыкты машыктыруучусу» номинациясы бул жылы жаңы түзүлдү.
КФБнен ар бир сыйлыкка болгон талапкерлердин тизмеси кошумча жарыяланарын кошумчалашты.