Ош облусунда 16 миң 577 окуучу 11-классты аяктады

Ош облусу боюнча жалпы 524 билим берүү мекемесинде “Акыркы коңгуроо” кагылды. Бул тууралуу президенттин облустагы өкүлчүлүгүнөн кабарлашты. 

Маалыматка ылайык, 16 577 окуучу 11-классты, ал эми 26 921 окуучу 9-классты аяктаган. 

Ош облусунун башчысы Элчибек Жантаев иш сапары менен Чоң-Алай районуна барып, Жогорку Кеңештин депутаты Жанар Акаев менен биргеликте Алайчы уулу Саит атындагы инновациялык орто мектептеги “Акыркы коңгуроо” салтанатына катышты.

Облустун башчысы бүтүрүүчүлөрдү, мугалимдерди жана ата-энелерди бүтүрүү майрамы менен куттуктап, окуучуларга мындан аркы билим жолунда ийгиликтерди каалады.