Бишкекте жогорку чыңалуудагы 595 чакырым аба чубалгылары оңдоп-түзөөдөн өткөрүлөт

Кыргыз Республикасынын Энергетика министрлиги электр менен камсыздоонун туруктуулугун негизги багыт катары коюп, тармакты жакшыртуу боюнча бир катар иштерди жүргүзүүдө.

«КУЭТ» ААКнын филиалы Бишкек электр тармактар ишканасынын 2025-жылга карата планына ылайык:

• 35/110/220 кВ деңгээлдеги 26,8 чакырым аба чубалгыларында капиталдык оңдоо,
• 567 чакырым аба чубалгыларында кезектеги оңдоо иштери каралган.

Бүгүнкү күндө энергетиктер тарабынан:

• 22,4 чакырым аба чубалгы капиталдык оңдоп-түзөөдөн өткөрүлдү,
• 359,5 чакырым аба чубалгыларында оңдоо иштери аткарылды.

Мындан тышкары, планга ылайык:

• 3695 даана фарфор жана сынган изоляторду алмаштыруу,
• 507 кг бурч темирди ширетүү,
• 50 анкердик мамыны бекемдөө пландалган.

Учурдагы жыйынтык боюнча:

• 2539 даана изолятор жаңысына алмаштырылды,
• 380 кг ашык бурч темир анкердик мамыларга ширетилди.

Ошондой эле энергетиктер электр менен камсыздоонун коопсуздугун камсыз кылуу үчүн аба чубалгылары өткөн жолдордун боюндагы бак-дарактардын бутактарын кыюу иштерин жүргүзүп жатышат. Бүгүнкү күндө 1556 түп бак-дарактын бутактары кыйылды.

Белгилей кетсек, аба чубалгыларына өтө жакын өскөн бак-дарактар зымдардын үзүлүшүнө жана электр энергиясын берүүдө үзгүлтүккө негизги себеп болушу мүмкүн.