Кыргызстанда башкы долбоор инженерлерине болгон суроо-талап дээрлик үч эсеге өстү

Кыргызстандын курулуш тармагында башкы долбоор инженерлери эң көп талап кылынган адистердин катарына кирди.

2026-жылдын январь–июнь айларында бул адистер үчүн жарыяланган бош орундардын саны өткөн жылдын ушул мезгилине салыштырмалуу 188,9%га өскөн. Бул тууралуу headhunter.kg маалымдады.

Геодезисттерге болгон суроо-талап 94,7%га, ал эми курулуш долбоорлорунун жетекчилерине болгон талап 68,2%га көбөйгөн.

Ошондой эле иш берүүчүлөр инженер-конструкторлорду жана инженер-долбоорлоочуларды көбүрөөк издей башташкан. Бул багыттар боюнча сунушталган бош орундардын саны 31,7%га өскөн.

Эксплуатация боюнча инженерлер үчүн вакансиялардын саны 30,4%га, ал эми ӨТК инженерлери жана сметалык инженерлер үчүн 24,5%га көбөйгөн.

Электромонтажчылар, электромонтерлор жана техник-электриктер арасында да оң өсүш байкалган — 12,9%га. Ошондой эле эмгекти коргоо, коопсуздук техникасы жана экология боюнча адистерге болгон суроо-талап 12,3%га өскөн.

Ошол эле учурда башкы долбоор инженерлери курулуш тармагындагы бардык бош орундардын 1,3%ын гана түзөт. Геодезисттер жана курулуш долбоорлорунун жетекчилери ар бири 1,9% үлүштү ээлейт.