Түндүк – Түштүк альтернативдик жолуна түшкөн кар көчкү тазаланууда

Түндүк – Түштүк альтернативдик жолуна түшкөн кар көчкү тазаланууда. Бул тууралуу Транспорт жана коммуникациялар министрлигини маалымат кызматынан кабарлашты. 

Эске сала кетсек, бүгүн, 12-февралда аталган жолдун Арал тилкесинин 198-200-чакырымдар аралыгында болжол менен саат 09:29 чамасында көлөмү 7000-8000 куб метрди түзгөн кар көчкү түшкөн.

Учурда жол эки тараптуу жабык. Министрликке караштуу №24 Жол тейлөө ишканасы тарабынан кар көчкүнү тазалоо иштери жүрүп жатат.

Жерине атайын техникалар тартылып, иш алып барууда. Кошумча маалымат берилет.