Аскар Акаев кайрадан Кыргызстанга келди. Бул ирет форумга катышуу үчүн

Кыргызстандын тургуч президенти Аскар Акаев кайрадан Кыргызстанга келип, мааракелик Ысык-Көл эл аралык форумуна катышууда. Ошол эле учурда буга чейин жарыяланган расмий катышуучулардын тизмесинде анын аты-жөнү көрсөтүлгөн эмес.

Акаев үчүн бул 2005-жылдагы окуялардан кийин Кыргызстанга болгон алгачкы сапар эмес. Ал 2005-жылдын 24-мартында Март революциясы маалында өлкөдөн чыгып кеткен. Ошол эле жылдын 3-апрелинде президенттик кызматтан расмий түрдө кеткендиги тууралуу арыз берген.

2021-жылы мурдагы президент Кумтөр кенин иштетүүгө байланыштуу иш боюнча көрсөтмө берүү үчүн Кыргызстанга келген. Ошондо Акаев кайрылуу жасап, долбоорду ишке ашырууда кетирилген каталары үчүн элден кечирим сураган.

Мааракелик Ысык-Көл эл аралык форуму Кыргызстанда 18-июндан 21-июнга чейин өтүүдө. Быйылкы иш-чара «Цивилизациялык бурулуштагы дүйнө: келечекке бирге» деген темага арналган.

Форум эл аралык уюмдардын өкүлдөрүн, илимий коомчулукту, маданият жана адабият ишмерлерин, ошондой эле мамлекеттик түзүмдөрдүн өкүлдөрүн бир аянтчага чогултту.

Президент Садыр Жапаров 18-июнда форумдун ачылыш аземине катышты. Эл аралык интеллектуалдык диалог аянтчасынын 40 жылдыгына арналган иш-чара Рух Ордо маданий борборунда өтүүдө.