Бишкекте "Кыргыз Кербен" заводунан ири өрт чыкты, жерине 5 бөлүм тартылды

Бишкек шаарынын Ак-Сай көчөсүндө жайгашкан "Кыргыз Кербен" заводунан ири өрт чыкты. Бул тууралуу ӨКМден кабарлашты. 

Кырсык 30-январда катталган.

Тилсиз жоо саат 22:42де чектөөгө алынып, саат 23:49да толугу менен өчүрүлгөн.

Өрттү өчүрүүгө жалпы 5 күжүрмөн эсеп, автошаты жана штаб тартылган.

ӨКМдин Бишкек шаары боюнча башкармалыгынын ыкчам нөөмөтчүсүнүн берген маалыматына ылайык, жабыркагандар жок.