Тажикстанда Камчыбек Ташиев менен Саймумин Ятимов жолукту. Эмнени талкуулашты?

Кыргыз-тажик мамлекеттик чек арасын делимитациялоо жана демаркациялоо боюнча Кыргызстан менен Тажикстандын өкмөттүк делегацияларынын теңтөрагалары Камчыбек Ташиев менен Саймумин Ятимовдун жолугушуусу өттү. Бул тууралуу министрлер кабинетинин билдиришти. 

Маалыматка ылайык, тараптардын жолугушуусу Тажикстандын Согди облусунун Бустон шаарында өткөн.

Жолугушуунун жүрүшүндө Кыргыз Республикасынын жана Тажикстан Республикасынын өкмөттүк делегацияларынын башчылары кыргыз-тажик мамлекеттик чек арасын делимитациялоо маселелерин талкуулашты жана Кыргыз Республикасы менен Тажикстан Республикасынын мамлекеттик чек араны делимитациялоо жана демаркациялоо боюнча өкмөттүк делегацияларынын жумушчу топторуна эки мамлекеттин чек ара сызыгын мындан ары тактоо боюнча иштерди улантуу боюнча конкреттүү тапшырмаларды беришти.

 Жолугушуу достуктун жана өз ара түшүнүшүүнүн кырдаалында өттү.