Нарын облусунун аймагында жер титирөө катталды

Нарын облусунун аймагында жер титирөө катталды, деп билдирет Өзгөчө кырдаалдар министрлигинин басма сөз кызматы. 

Сейсмология институтунун маалыматына ылайык, жер титирөө бүгүн, 30-январда болжол менен саат 08:54тө катталып, очогунда күчү 4 баллга жеткен. 

Жер силкинүү Жан-Булак жана Достук айылдарында 3,5 балл, Куланак жана Миң-Булак айылдарында 3 балл, Нарын шаарында 2,5 баллга чейин сезилди.

Жабыркагандар жана кыйроолор катталган жок.