Кыргызстанда күн сайын 100дөн ашык кылмыш катталат

Кыргызстанда 2026-жылдын январь–июль айларында 22 миң 146 кылмыш катталган. Бул тууралуу Кыргызстандын Улуттук статистика комитети билдирди.

2025-жылдын ушул эле мезгилинде 20 миң 351 кылмыш катталган. Ошентип, кылмыштуулуктун саны 8,8 пайызга өскөн.

Жети айдын ичинде өлкөдө күнүнө орточо 104кө жакын кылмыш катталган.

Кылмыштардын эң көп саны Бишкек шаарында — 9 миң 615 учур катталган. Андан кийин Чүй облусу — 2 миң 930, Жалал-Абад облусу — 2 миң 259 жана Ош шаары — 2 миң 211 учур менен турат.

Катталган кылмыштардын саны азайган жалгыз аймак — Ош облусу. Бул жерде кылмыштардын саны 1 миң 446дан 1 миң 426 учурга чейин, же 1,4 пайызга кыскарган.