Улуттук банк эскертет: дроппер болуп калбоо үчүн эмне кылса болот?

Кыргызстандын Улуттук банкы кыргызстандыктарга кайрылып, доппер болуп калуудан этият болууга чакырды. 

Маалыматка ылайык, алдамчылар кылмыштуу схемаларда банк эсептерин жашыруу үчүн дропперлерди колдонушат.

Дроппер – бул алдамчылардын көрсөтмөсү боюнча, атайын акчалак сыйлык үчүн өз эсебине (карталарына) накталай акча салган, башка адамдарга которгон же кабыл алган, кичинекей сыйлык алган адам.

Кокустан дроппер болуп калбоо үчүн эмне кылса болот?

Жумуш издеп жатканда, белгисиз адамдардын банк картаңызды, SIM картаңызды же эсебиңизди акча жөнөтүү үчүн колдонуу сунуштарын кабыл албаңыз.

Кылмышка билбеститек шерик болуп калбоо үчүн, эсебиңизге жаңылыштык менен келген акчаны которбоңуз. Банкыңызга кайрылып, жөнөтүүчүнүн маалыматтарын колдонуп, тескери которууну сураныңыз.