Пашинян орус тилин үйрөнө баштаганын билдирди

Армениянын премьер-министри Никол Пашинян орус тилин үйрөнүп баштаганын жана Башкаруу академиясында тиешелүү сабактарга катышып жатканын билдирди.

Бул тууралуу ал 17-сентябрда өкмөттүн жыйынында эмгек жана социалдык камсыздоо министри Арсен Торосян мамлекеттик башкаруу системасынын кызматкерлери үчүн англис тилин үйрөнүүнү милдеттүү кылууну сунуштаган учурда айтты.

«Эмне үчүн англис тили гана? Мен, мисалы, азыр Башкаруу академиясында орус тили боюнча сабакка катышып жатам. Кимдир бирөө япон, испан, кытай же немис тилин үйрөнүшү мүмкүн», – деди Пашинян.

Ал ошондой эле билим алуу жана жаңы нерселерди үйрөнүү жаш курагына же ээлеген кызмат ордуна карабастан адамдын жашоосунун табигый бөлүгү болушу керектигин белгиледи.

Бул билдирүү ШКУнун Бишкекте өткөн саммитинен бир нече жума өткөндөн кийин айтылды. 1-сентябрда Пашинян саммитте армян тилинде сөз сүйлөгөн. Кийинчерээк орус тарап анын сөз сүйлөөдө тандаган тилине комментарий берген. Ошол эле күнү Бишкекте Пашинян Орусиянын президенти Владимир Путин менен жолуккан.