Баткен районунда зомбулуктун алдын алуу боюнча жөө жүрүш өттү

Баткен райондук милициясынын А. Шагамурзаев атындагы Таян милициясынын айылдык бөлүмчөсү тарабынан Алтын-Бешик айыл аймагындагы Таян айылында үй-бүлөлүк зордук-зомбулуктун алдын алуу жана болтурбоо максатында жөө жүрүш уюштурулду. 

Облустук милициядан кабарлашкандай, иш-чара айыл өкмөтү жана ата-энелер менен биргеликте өткөрүлүп, ага 50–60тай ата-эне катышты.

Жөө жүрүш учурунда коомдук тартипти камсыздоо максатында милициянын кызматтык автоунаасы коштоп жүрүп, укук бузууларга жол берилген жок.

Иш-чаранын негизги максаты – үй-бүлөлүк зомбулуктун алдын алуу, коомчулуктун көңүлүн бул көйгөйгө буруу жана жарандарды мыйзамдуулукту сактоого чакыруу.