Бишкекте муниципалдык менчиктеги 106 транспорт каражатын сатуу боюнча аукцион өтөт

Бишкек шаарынын мэриясы муниципалдык менчикте турган транспорт каражаттарын сатуу боюнча ачык аукцион өтөрүн эскертет.

Ачык соода 2026-жылдын 24-сентябрында саат 10:00дө Бишкек шаары, Чүй проспектиси, 168 дарегинде өтөт. Аукционго жалпы 106 лот коюлат.

Аукционго катышуу үчүн арыздар 2026-жылдын 18-сентябрына чейин Бишкек шаарынын мэриясынын Муниципалдык менчикти башкаруу башкармалыгында, Чүй проспектиси, 168 дареги боюнча кабыл алынат.

Катышуу үчүн төмөнкү документтерди тапшыруу зарыл:

- тандалган лоттун номери көрсөтүлгөн жазуу жүзүндөгү арыз;
- өздүгүн тастыктаган документ;
- кепилдик төгүмү төлөнгөнүн ырастаган төлөм документи.

Кепилдик төгүмүнүн өлчөмү лоттун баштапкы баасынын 10 пайызын түзөт.