«Кыргызкөмүр» кампаларда калкка көмүр сатууну баштады

«Кыргызкөмүр» кампаларда калкка көмүр сатууну баштады.

Ишканадан кабарлашкандай, бүгүнкү күндө аймактарга көмүр жеткирүү иштери активдүү жүрүп жатат. Анын алкагында Бишкек шаарына — 1 000 тонна, Чүй облусуна — 2 000 тонна, Ысык-Көл облусуна — 1 500 тонна көмүр жеткирилди.

Көмүр монополияга каршы жөнгө салуу органы белгилеген баада сатылууда.

Ал эми Кара-Кечеде акыркы бир жуманын ичинде 6 000 тонна көмүр өндүрүлүп, жөнөтүлдү.

Бүгүн «Кыргызкөмүрдүн» жетекчиси Рустамбек Садыралиев көмүр алууга келген алгачкы кардарларга баалуу белектерди тапшырды. Ошондой эле көмүр кампасынын ээсине да белек берилди.