Ошто күчү 3,5 баллга жеткен жер титирөө катталды

Кыргызстандын аймагында жер титирөө катталды, деп билдирет ӨКМдин басма сөз кызматы.

КР Сейсмология институтунун такталган маалыматына ылайык, жер титирөө бүгүн, 11-январда саат 10:52де катталып, очогунда күчү 3,5 баллга жеткен.

Жердин силкинүүсү Ош облусунун Чоң-Алай районундагы Ачык-Суу айылында 2,5 баллга (Ачык-Суу айылынан 28 чакырым түштүк чыгышта, Сары-Могол айылынан 32 чакырым түштүк батышта, Ош шаарынан 128 чакырым түштүктө) чейин сезилген.

Жер титирөөдөн жабыркагандар жана кыйроолор катталган жок.