Ысык-Көл районунун акими кармалганы айтылууда

Ысык-Көл районунун акими Жапарбек Ормонов кармалды. Бул тууралуу ЖМКлар жазышты. 

Маалыматка ылайык, Бишкектин Биринчи май райондук сотунун 15-агусттагы чечими менен Жапарбек Ормонов 4-сентябрга чейин камакка алынды.

Райондук соттун басма сөз кызматы кабарлагандай, аны камакка алуу өтүнүчүн сотко Ички иштер министрлигинин (ИИМ) Тергөө кызматынын тергөөчүсү берген. Соттун маалыматына ылайык, ага Кылмыш-жаза кодексинин “Коррупция” беренеси менен айып тагылууда.

Ага козголгон кылмыш иши тууралуу ИИМ азырынча маалымат бере элек.

Белгилей кетсек, Жапарбек Ормонов аталган кызматка 2023-жылы дайындалган.