Кыргызстандын жана КМШ өлкөлөрүнүн жаш тарыхчылары Минсктеги тарыхый форумга катышууда

Беларусь Улуттук илимдер академиясынын Тарых институтунда КМШга мүчө мамлекеттердин Гуманитардык кызматташтык боюнча эл аралык фондунун колдоосу менен совет элинин Улуу Ата Мекендик согуштагы Жеңишинин 80 жылдыгына арналган КМШ өлкөлөрүнүн жаш окумуштууларына арналган тематикалык жайкы мектеп өтүп жатат.

Иш-чара Азербайжан, Армения, Беларусь, Казакстан, Кыргызстан, Россия жана Өзбекстандан келген жаш тарыхчы окумуштууларды жана окутуучуларды бириктирүүдө.

Программада Экинчи дүйнөлүк жана Улуу Ата Мекендик согуштардын тарыхына байланыштуу актуалдуу маселелер талкууланууда:

• 1939–1945-жылдардагы эл аралык мамилелер,
• СССРдин оккупацияланган аймактарындагы геноцид жана согуш кылмыштары,
• партизандык кыймыл,
• согуш жылдарындагы калктын күнүмдүк жашоосу,
• тарыхый эс тутумдун калыптанышы.

Жайкы мектептин алкагында «Хатынь» Мамлекеттик мемориалдык комплекси, «Масюковщина» мемориалдык комплекси (Шталаг-352), Улуу Ата Мекендик согуш тарыхынын Белорус мамлекеттик музейи жана Беларусь Республикасынын Улуттук архиви базасында көчмө семинарлар өткөрүлөт.

Жайкы мектептин иши 22-августта жыйынтыкталат.