Кыргызстандыктар ChatGPT көбүнчө эмне үчүн колдонушат?

Текст жазуу жана редакциялоо Кыргызстанда ChatGPT колдонуунун негизги багыттарынын бири болуп калды.

2026-жылдын июнь айында кыргызстандык колдонуучулардын билдирүүлөрүнүн 23,5%ы ушул категорияга туура келген. Андан жогорку көрсөткүч практикалык кеңештерге туура келип, 35,7%ды түзгөн.

Маалымат издөө 14,6% үлүш менен үчүнчү орунду ээлеген.

Ошентип, кыргызстандыктардын дээрлик төрттөн биринин суроосу ChatGPTтин жардамы менен текст түзүүгө, кайра жазууга же редакциялоого байланыштуу болгон.

OpenAI буга чейин жазуу материалдарын түзүү ChatGPTти жумушта колдонуунун негизги багыттарынын бири бойдон калып жатканын белгилеген. Ошол эле учурда адистештирилген тапшырмаларга суроо-талап да акырындык менен өсүүдө.

Маалыматтар ChatGPTтин Free, Go, Plus жана Pro тарифтериндеги керектөөчүлөрдүн аккаунттарына тиешелүү.