Тоң РЭТинде кышка даярдык иштери жигердүү жүрүүдө

Кыргыз Республикасынын Энергетика министрлиги тарабынан жүргүзүлүп жаткан реформалардын алкагында «КУЭТ» ААКтын филиалы Ысык-Көл электр тармагы ишканасынын Тоң РЭТинде жаңылануу жана күз-кыш мезгилине даярдык иштери кызуу жүрүүдө.

Быйылкы жылы жүргүзүлгөн техникалык иштердин негизги көрсөткүчтөрү төмөнкүлөр:

• 82 даана трансформатор жана 26 чакырым аба чубалгылары техникалык тейлөөдөн өттү;
• 20 трансформатор менен 11 чакырым аба линиясы капиталдык оңдоого алынган;
• Коопсуз жана туруктуу электр энергиясын камсыз кылуу максатында 4,8 чакырым алюминий зымдар заманбап СИП зымдарга алмаштырылган;
• Эскилиги жеткен 156 жыгач мамы жаңы темир-бетон мамыларга алмаштырылды;
• Аба чубалгыларынын коопсуз иштешин камсыздоо үчүн 44,9 чакырым трасса боюнча бутактарды кыю жана бактарды тазалоо иштери жүргүзүлдү;
• Мындан тышкары, 5 чакырымга жакын электр линиясы толугу менен реконструкцияланды.

Бул иштердин негизги максаты — Тоң району боюнча электр энергиясын жеткирүүдө үзгүлтүккө жол бербөө, инфраструктураны жаңылоо жана калкка сапаттуу кызмат көрсөтүү.