Бир бала ооруканада. Манас шаарында массалык мушташ катталды

Манас шаарында массалык мушташ катталды. Бул тууралуу Жалал-Абад облустук милициясынын басма сөз кызматынан кабарлашты. 

Окуя 6-февралына караган түнү саат 00:30 чамасында шаардагы СМУ кичи районунда катталган. 

Окуя болгон жерге Манас ШИИБдин тергөө-ыкчам тобу барып, тиешелүү материалдар жана видеоматериалдар топтолгон.

Топтолгон материалдарга таянып, Манас ШИИБдин тергөө кызматы окуяны Кылмыштардын Бирдиктүү реестрине каттап, КР Кылмыш-жаза кодексинин 280-беренеси (Бейбаштык) боюнча кылмыш ишин козгогон.

Жалал-Абад милициясынын ыкчам иликтөө иштери менен массалык мушташка катышкан балдардын өздүктөрү аныкталып, тергөө үчүн жеткирилген. Алардын ичинен бир бала учурда ооруканада дарыланууда.

Окуя Жалал-Абад ОИИБдин жетекчилигинин көзөмөлүндө жана мыйзам чегинде тергөө амалдары улантылып жатат.