Кыргызстандагы жумуш берүүчүлөр кызматкерлерине дээрлик 92 млн сом карыз

2026-жылдын 1-июнуна карата Кыргызстанда эмгек акы төлөө боюнча жалпы карыз 91,9 млн сомду түздү.

Өткөн жылдын ушул мезгилине салыштырмалуу карыздын көлөмү 18,2%га, ал эми мурунку айга салыштырмалуу 15,8%га өскөн.

Жалпы карыздын жарымынан көбү Чүй облусундагы ишканаларга жана уюмдарга туура келет — 47,2 млн сом же 51,3%.

Жалал-Абад облусунда иш берүүчүлөр кызматкерлерге 25,1 млн сом, Баткен облусунда — 13,6 млн сом, Ысык-Көл облусунда — 3,5 млн сом карыз.

Бир жыл ичинде Баткен облусундагы карыз 7,4 эсеге, ал эми Ысык-Көл облусунда дээрлик 10 эсеге өскөн. Чүй облусунда карыздын көлөмү 50,8%га көбөйгөн.

Бишкек шаарында эмгек акы боюнча карыз 1,2 млн сомду, Нарын облусунда — 1,3 млн сомду, Ош облусунда Ош шаары менен кошо — болжол менен 100 миң сомду түздү.

Маалыматтар чакан ишканаларды эсепке албастан берилген.