Кыргызстанда бир жумада дээрлик 27 миң жол эрежесин бузуу фактысы катталды

Кыргызстандын аймагында алдын ала маалыматка караганда, 9нан 15-февралга чейинки аралыкта 26 миң 916 жол эрежесин бузуу фактысы аныкталды.

Жол кыймылынын коопсуздугун камсыздоо башкы башкармалыгынан кабарлашкандай, анын ичинде:

• Тийиштүү документтери жок транспорт каражаттарын башкаруу - 2 974;
• Мас абалында унаа башкаруу - 427;
• Авто унаанын терезелерин мыйзамсыз караңгылатуу - 151;
• Жөө жүргүнчүлөр катышкан жол эреже бузуулар - 627;
• Транспорт каражаттарынын эксплуатациялоо эрежелерин бузуу - 3 751;
• Автоээнбаштык - 22;
• Белгиленген ылдамдыктан ашуу - 2 629;
• Жалган мамлекттик номуру менен унаа башкаруу - 4;
• Башка жол эрежелерин бузуу фактылары - 12 628;
• Ар кандай жол эрежелерин бузгандыгы үчүн 3 703 автоунаа убактылуу токтотуучу айып короо жайына токтотулган.

ЖКККББ айдоочулардан жол кыймылынын коопсуздугунун эрежелерин так сактоого чакырат.