Кыргызстан менен Италиянын бизнес байланыштары кеңейүүдө

Кыргызстан менен Италиянын бизнес байланыштары кеңейүүдө, деп кабарлайт Кыргызстандын Соода-өнөр жай палатасы.

Маалыматка ылайык, Рим шаарында Кыргыз Республикасынын Соода-өнөр жай палатасы менен Иран жана Экономикалык кызматташтык уюмуна (ECO) кирген өлкөлөр боюнча Италиянын Соода-өнөр жай палатасынын ортосунда өз ара түшүнүшүү жана кызматташуу жөнүндө меморандумга кол коюлду.

Документке КР СӨПүнүн атынан Палатанын вице-президенти Мамасадык Бакиров Италия Республикасына болгон иш сапарынын алкагында кол койду.

Меморандум эки өлкөнүн ишкер чөйрөлөрүнүн түз байланыштарын өнүктүрүүгө багытталган. Анын алкагында коммерциялык маалымат алмашуу, бизнес-миссияларды жана B2B жолугушууларды уюштуруу, компаниялардын көргөзмө-жарманкелерге катышуусуна көмөк көрсөтүү жана биргелешкен инвестициялык долбоорлорду иштеп чыгуу каралган.

Максат — жаңы байланыштарды конкреттүү бизнес-долбоорлорго айландыруу.