Казакстан менен Кыргызстандын өз ара соода жүгүртүү 2025-жылдын I кварталында $99,9 млн жетти

2025-жылдын биринчи кварталында Казакстан менен Кыргызстандын ортосундагы соода жүгүртүү өткөн жылдын ушул мезгилине салыштырмалуу 43,5%га өсүп, 99,9 млн АКШ долларын түздү, деп билдирет Казакстандын Соода жана интеграция министрлиги.

Казакстандан экспорт 80,1 млн долларды түздү - бир жыл мурункуга караганда 44,3% көп, негизги позицияларды мунай жана мунай продуктулары, буудай, газойл, прокат жана курулуш материалдары түздү.

Кыргызстандан импорт 39%га өсүп, 19,8 млн долларды түздү, анын ичинде кийим-кече, текстиль, тамак-аш азыктары жана таңгактоочу материалдар.

Министрлик бул өсүштү соода алакаларынын активдешүүсү, логистиканын жакшырышы жана чек арадагы тоскоолдуктардын жоюлушу менен байланыштырууда.