Жыл башынан бери Кыргызстанга 864 тонна спорттук жабдуулар импорттолгон

2026-жылдын алгачкы беш айында Кыргызстанга спорт менен машыгуу үчүн арналган 864 тонна спорттук шайман жана жабдуу импорттолгон. Бул тууралуу Улуттук статистика комитетинин маалыматында айтылат.

Импорттолгон продукциянын жалпы наркы 335,5 млн сомду, же 3,84 млн АКШ долларын түзгөн.

2025-жылдын январь–май айларына салыштырмалуу импорттун көлөмү 42,6%га көбөйгөн. Ал эми акчалай көлөмдө жеткирүүлөр эки эседен ашык өскөн.

Спорттук товарлардын негизги жеткирүүчүсү Кытай болуп, бул өлкөдөн 626,2 тонна продукция 1,59 млн АКШ долларына импорттолгон. Натуралдык көлөмдүн 72%дан ашыгы Кытайдын үлүшүнө туура келген.

Орусиядан 135,1 тонна спорттук шайман 1,86 млн АКШ долларына, Казакстандан 41,8 тонна продукция 252,1 миң АКШ долларына жеткирилген.

Мындан тышкары, Өзбекстандан, Корея Республикасынан, Пакистандан, Италиядан, Латвиядан, Бириккен Араб Эмираттарынан, АКШдан, Япониядан жана башка өлкөлөрдөн да спорттук шаймандар импорттолгон.