Улуттук банк алдамчылык менен кантип күрөшөт?

Кыргызстандын Улуттук банкынын төрагасы Улуттук банк алдамчылык менен кантип күрөшөрү тууралуу айтып берди. 

Анын айтымына караганда, жарандарды каржылык алдамчылыктан коргоо – негизги милдеттердин бири.

Бул боюнча Улуттук банк төмөнкүдөй комплекстүү чараларды көрүүдө:

• Онлайн-насыя берүүдө «күтүү мезгили» киргизилип, бул алдамчылык учурларын азайтууга жардам берди.

• Күмөндүү операцияларды тез аныктоо үчүн банктардын антифрод системаларына талаптар күчөтүлдү.

• Алдамчылык схемалар менен күрөшүү боюнча мыйзамдарды иштеп чыгуу үчүн мекемелер аралык жумушчу топ түзүлдү.

• Шылуундардын иш-аракетин таанып, андан сактануусу үчүн жарандар арасында маалыматтык иш-чаралар жүргүзүлүүдө.

"Биз коопсуз, ар бир жаран корголгон каржылык чөйрөнү түзүү боюнча иштерди улантып жатабыз. Каржылык сабаттуулук жана маалымдуулук – алдамчылыктын алдын алуунун эң жакшы жолу. Улуттук банк каржылык коопсуздук боюнча ишенимдүү өнөктөшүңүз бойдон кала берет", - деди ал.