Кыргызстан ЕӨБдүн 20 жылдыгына арналган эстелик почта маркасын чыгарды

Кыргызстандын Почтасы Евразия өнүктүрүү банкынын (ЕӨБ) 20 жылдыгына арналган атайын почта маркасын чыгарды.

Экономика министрлигинен кабарлашкандай, марканын биринчи нускасын салтанаттуу төшөө аземи ЕӨБдүн жылдык жыйынынын жана Бизнес-форумунун алкагында өттү.

Иш-чарага Кыргыз Республикасынын экономика жана коммерция министри Бакыт Сыдыков, ЕӨБ Башкармалыгынын төрагасы Николай Подгузов жана Кыргызстандын Почтасынын өкүлдөрү катышты.

Сапардын жүрүшүндө министр Бакыт Сыдыков ЕӨБдү 20 жылдык мааракеси менен куттуктап, Банктын Кыргызстан үчүн маанилүү өнөктөш экенин белгиледи. Ал кызматташтык мындан ары да чыңдалып, өлкөлөрдүн туруктуу өнүгүүсүнө өбөлгө түзөрүнө ишеним билдирди.

Өз кезегинде Николай Подгузов бул окуя Кыргызстандын ЕӨБгө мүчө болгонуна 15 жыл толгон жылы өтүп жатканын белгилеп, эки тараптуу кызматташтык жаңы мүмкүнчүлүктөрдү ачарына ишенимин билдирди.