Кепилдик фонду 10 айда өлкөнүн аймактарында бизнести өнүктүрүүгө 1,8 млрд сом багыттаган

Үстүбүздөгү жылдын 10 айынын жыйынтыгы боюнча «Кепилдик фонд» ААКсы тарабынан 2 миллиард 744 миллион сомдон ашык суммага 2687 кепилдик берилген.  Бул тууралуу фонддун басма сөз кызматынан билдиришти.

Берилген кепилдиктердин 90%ы 1 млрд 784 млн сом өлчөмүндө өлкөнүн аймактарында бизнести өнүктүрүүгө багытталган.

Бул аралыкта Жалал-Абад облусунда кепилдиктерди пайдаланган ишкерлердин саны 611 адамды түздү. Кепилдиктердин суммасы 246 миллион сомдон ашты.

Андан тышкары:

• Ош облусунун жана Ош шаарындагы ишкерлерге 194 миллион сомдон ашык суммага 366 кепилдик берилди,
• Чүй облусунун ишкерлерине 337 миллион сомдон ашык суммага 435 кепилдик,
• Ысык-Көл облусуна 305 миллион сомдон ашык суммада 245 кепилдик,
• Баткен облусуна 126 миллион сомго 249 кепилдик,
• Талас облусуна - 212 миллион сомдон ашык суммага 236 кепилдик,
• Нарын облусунда 119 миллион сомдон ашык суммага 223 кепилдик берилген.