Кыргызстанда жыл башынан бери кызмат көрсөтүү боюнча тарифтер 3,2% өстү

Үстүбүздөгү жылдын башынан бери Кыргызстанда кызмат көрсөтүүлөрдүн тарифтери жалпысынан 3,2%га жогорулаганын Улуттук статистикалык комитет билдирди.

Эң чоң өсүштөр төмөндөгүлөр боюнча катталган:

жүргүнчүлөрдү ташуучу аба транспорту – 18,6%га,
турак жайларды тейлөө жана оңдоо – 17,5%га,
мектепке чейинки жана башталгыч билим берүү – 10,5%га,
темир жол транспорту – 9,5%га,
маданий иш-чараларды уюштуруу – 9,3%га,
мейманкана кызматтары – 7,8%га,
амбулатордук кызматтар – 4,3%га,
тигүүчүлүк – 3,8%га,
чач тарач кызматтары – 3,5%га.
Алсак, баанын эң чоң өсүшү транспортко, турак жай-коммуналдык кызматтарга жана билим берүүгө белгиленген.