Балыкчыда ветеринардык коопсуздук: Республикадагы эң заманбап биологиялык калдыктарды жок кылуучу жай курулду

Балыкчы шаарында эпизоотиялык бейпилдикти жана санитардык коопсуздукту камсыз кылуу максатында, таштанды таштоочу жайдын аймагында биологиялык калдыктар үчүн биометрикалык чуңкур (Беккари чуңкуру) жана крематорий курулуп бүткөрүлдү.

Бул объект Кыргыз Республикасынын Министрлер Кабинетинин №517 токтомунун негизинде, бардык эл аралык жана ветеринардык-санитардык талаптарга жооп берген республикадагы алгачкы толук кандуу жай болуп калды.

Долбоордун негизги өзгөчөлүктөрү:

* Крематорий: Кытай Эл Республикасынан атайын жогорку технологиялуу крематорий печкасы алынып келинди.
* Каржылоо: Крематорий үчүн Ысык-Көл облусун өнүктүрүү фонду тарабынан каражат бөлүнгөн.
* Техникалык параметрлери: Чуңкурдун тереңдиги 10 метрди түзүп, ички пайдубалына 40 см калыңдыктагы бетон куюлду.
* Инфраструктура: Аймак толугу менен тосулуп, биологиялык калдыктарды көзөмөлдөө үчүн атайын лаборатория курулду.

Бул долбоорду ишке ашырууда Балыкчы шаарынын мэриясы менен “Кыргызстройсервис” мамлекеттик ишканасы тыгыз кызматташты.

Жаңы объект шаардагы экологиялык абалды жакшыртууга, ар кандай инфекциялык оорулардын алдын алууга жана санитардык коопсуздукту жогорку деңгээлде камсыз кылууга шарт түзөт.