Караколдо полиэтилен пакеттерине каршы рейд өттү

Каракол шаарында 8-апрелде дүкөндөр жана супермаркеттер текшерилип, полиэтилен пакеттерин колдонууга жана сатууга каршы рейд өткөрүлдү. Бул тууралуу облустагы өкүлчүлүктөн кабарлашты. 

Бул рейд Президенттин “Ысык-Көлдүн экологиясын сактоо жөнүндө” Жарлыгынын негизинде өткөрүлдү. 2023-жылдын 1-январынан тарта полиэтилен пакеттерине тыюу салынган

2025-жылдын 1-мартынан тарта мыйзам бузгандарга айып пул каралган:

• жарандарга – 3 000 сом
• юридикалык жактарга – 10 000 сом

"Азырынча түшүндүрүү иштери жүрүүдө. Бирок жакында айыптар салына баштайт. Облус боюнча 500дөн ашык эскертүү таратылды", - деп айтылат маалыматта.