Эл аралык кол өнөрчүлүк биенналесине катышуу үчүн чыгармачылык иштерди тандоо жарыяланат

Кыргыз Республикасынын Маданият, маалымат, спорт жана жаштар саясаты министрлиги, жана өнөктөштөрдүн колдоосу менен 2025-жылдын 4-сентябрынан 4-ноябрына чейин Түштүк Кореянын Чхонджу шаарында өтө турган Cheongju Craft Biennale көргөзмөсүнө катышуу үчүн Кыргызстандык кол өнөрчүлөрдүн жана сүрөтчүлөрдүн арасында чыгармачылык иштерди тандоо жараянын баштайт.

Тандоо критерийлери жана талаптар:

• Концептуалдуу чыгармачылык иш (ала кийиз, шырдак, панно, кийим, интерьер буюмдары ж.б.);
• Кийиз же жүн материалдарын колдонуу;
• Табигый түстөр же боёктор колдонулган болуусу;
• Чыгарманын сапаттуу сүрөтү;
• Атайын түшүндүрмө (аннотация);
• Өлчөмү жана салмагы көрсөтүлүшү шарт.

Тапшыруу мөөнөтү: 14-июндан 25-июнга чейин, 2025-жыл.