Кыргызстандын Эл жазуучусу Калканбай Ашымбаев дүйнө салды

Кыргыз Республикасынын Эл жазуучусу, белгилүү калемгер, публицист жана журналист Калканбай Ашымбаев дүйнө салды. 

Маданият министрлигинен кабарлашкандай, маркумду акыркы сапарга узатуу зыйнаты 2026-жылдын 25-августунда саат 10:00дө Т. Абдумомунов атындагы Кыргыз улуттук академиялык драма театрында өтөт.

Калканбай Ашымбаев кыргыз адабияты менен журналистикасынын өнүгүшүнө олуттуу салым кошкон көрүнүктүү калемгерлердин бири. Ал СССР Журналисттер союзунун жана СССР Жазуучулар союзунун мүчөсү болуп, көп жылдар бою проза, публицистика жана фельетон жанрларында үзүрлүү эмгектенген. Калканбай Ашымбаев Кыргыз Республикасынын Эл жазуучусу, Кыргыз Республикасынын маданиятына сиңирген ардагери, Эл агартуунун отличниги наамдарына татыган.

Акыркы сапарга узатуу зыйнатынан соң маркумдун сөөгү Ала-Арча көрүстөнүнө коюлат.