Кыргызстандын делегациясы Антальяда өткөн көчмөндөрдүн Эл аралык фестивалына катышты

Түркиянын Анталья шаарында Yörük Türkmen Festivali аталыштагы көчмөндөрдүн Эл аралык фестивалы өттү. Бул иш-чара 2022-жылдан бери жыл сайын көчмөн маданиятынын өкүлдөрүн бир аянтчага чогултуп келет. Бул тууралуу КР Тышкы иштер министрлигинин басма сөз кызматынан билдиришти. 

Иш-чарага 20 өлкөнүн түрк элдери, атап айтканда, Кыргызстан, Казакстан, Өзбекстан, Татарстан, Түркмөнстан, Азербайжан жана башкалардын өкүлдөрү катышты. 

Эл аралык фестивалга Кыргызстандын Анталья шаарындагы Башкы консулдугунун демилгеси менен кыргыз тараптан Чолпон-Ата шаарынын мэри Данияр Сатаров багында турган делегация катышты. Анын алкагында Чолпон-Ата жана Анталья шаарларынын ортосунда боордоштук байланыштарды орнотуу боюнча протоколго кол коюу аземи болуп өттү.

Фестивалда кыргыз боз үйлөрү, улуттук кийимдердин уникалдуу үлгүлөрү, ошондой эле кыргыз өнөрпоздорунун өнөрлөрү тартууланды.