Төкмө келсе төр бошот! Жалал-Абадда кыргыз-казак айтышы өтөт

Жалал-Абад шаарындагы Барпы Алыкулов атындагы кыргыз драма театрында 30-31-август күндөрү кыргыз-казак төкмө акындарынын XVIII эл аралык айтышы өтөт. Бул тууралуу Маданият, маалымат жана жаштар саясаты министрлигинен билдиришти. 

КР президентинин колдоосу менен өтчү маданий иш-чара Кыргызстандын Эгемендүүлүк күнүнүн урматына арналган. 

Бул ири маданий иш-чарада үч залкардын мааракеси белгиленет:

• Барпы Алыкуловдун 140 жылдыгы,
• Түмөнбай Байзаковдун 100 жылдыгы,
• Рахматулла Козукеевдин 70 жылдыгы.

Кирүү акысыз. Башталышы саат 12:00.

Ал эми Рахматулла Козукеевдин 70 жылдыгына арналган айтыштар 27–29-август күндөрү жер-жерлерде өткөрүлөт:

• 27-август, саат 17:00 – Токтогул шаары, Маданият үйү
• 28-август, саат 17:00 – Аксы району, Кербен шаары, Маданият үйү
• 29-август, саат 17:00 – Сузак району, Барпы айылы, Жони паркы

Каалоочулар үчүн кирүү акысыз.