Бишкекте М.Фрунзенин 100 жылдыгынын урматына арналган көргөзмө ачылды

Бүгүн, 21-сентябрда Бишкек шаарындагы М.В. Фрунзе атындагы Мемориалдык үй-музейинде Кыргызстандагы алгачкы музей – Фрунзе музейинин 100 жылдыгына арналган салтанаттуу көргөзмө ачылды.

Иш-чарага маданият, маалымат жана жаштар саясаты министринин орун басары Аскаралы Мадаминов, музей ишмерлери жана шаар тургундары катышты. 

«Фрунзе музейинен – Кыргыз мамлекеттүүлүгүнүн музейине карай» аттуу көргөзмө өлкөнүн маданий турмушундагы маанилүү окуя болуп саналат. Анын негизги концепциясы – Фрунзе музейинин тарыхый өнүгүү жолун жаңыча түшүнүү жана кайра баалоо болуп саналат.

Көргөзмө жети негизги теманы камтыйт жана анда музейдин 1927-жылдагы алгачкы чакан экспозициясынан тартып, 1950-жылдардагы илимий борборго, 1967-жылы курулган монументалдуу имаратка чейинки өнүгүү тарыхы көрсөтүлөт.

Иш-чаранын негизги бөлүгү – музейди Кыргыз мамлекеттүүлүгүнүн музейине трансформациялоо концепциясы болуп саналат. 

Учурдагы экспозиция 1967-жылдан бери өзгөртүлбөгөндүктөн, жаңы концепция Фрунзенин инсандыгын өлкө мамлекеттүүлүгүнүн татаал жана көп кырдуу тарыхынын алкагында чагылдырууну сунуштайт.

Юбилейдик көргөзмө М.В. Фрунзенин элесин сактап гана тим болбостон, улуттук тарыхый аң-сезимди жана жарандык иденттүүлүктү чыңдоого багытталган маданий мейкиндикке айланмакчы.

Кирүү акысыз.