Кыргызстандык эркин күрөшчүлөр Ирандагы эл аралык мелдеште төрт медаль утту

Кыргызстандын эркин күрөш боюнча улуттук курама командасынын мүчөлөрү Ирандын Тегеран шаарында өткөн TaKhti Cup эл аралык мелдешинде 1 алтын 3 коло медаль утту. Бул тууралуу Дене тарбия жана спорт мамлекеттик агенттигинен билдиришти. 

Алтын медалдын ээси:

• 61 кг Бекзат Алмаз уулу;

Коло медалдын ээлери:

• 57 кг Абдумалик Карачев;
• 65 кг Икрам Хаджимурадов;
• 86 кг Бекзат Рахимов;

Курама команда башкы машыктыруучу Азат Мирахимов жана улук машыктыруучу Эламан Догдурбек уулунун жетекчилиги алдында мелдешке катышты.