Таласта бокс боюнча жаштар арасында Эл аралык мелдеш өтөт

Талас шаарындагы спорт ордосунда бокс боюнча жаштар арасында Эл аралык мелдеш өтөт. Бул тууралуу Дене тарбия жана спорт департаменти билдирет. 

Ата мекендик согуштун арадагери, даңк орденинин ээси Молдон Мураталиевдин жаркын элесине арналган мелдеш 9-12-ноябрь күндөрү өтөт.

Мелдешке республиканын бардык аймактарынан келген спортчулар катышат.

Жеңүүчүлөргө Спорттун олимпиадалык түрлөрү боюнча дирекциясы жана Талас облустук бокс федерациясы тарабынан тиешелүү даражадагы диплом жана медалдар тапшырылат.

Катышуучулар 48, 51, 54, 57, 60, 63.5, 67, 71, 75, 80, 86, 92, +92 кг салмак категорияларында күч сынашат.