КФБнын калыстары 2026-жылкы футбол сезонуна активдүү даярдыкты жүргүзүүдө

2026-жылдын 2-январынан тартып Кыргыз футбол биримдигинин калыстар корпусу алдыдагы футбол сезонуна активдүү даярдык көрө баштады. Даярдык пландуу жана интенсивдүү режимде өтүп, калыстардын физикалык даярдыгын жана кесиптик деңгээлин жогорулатууга багытталган.

Даярдыктын алкагында футбол жана футзал боюнча калыстар КФБнын фитнес-машыктыруучусу менен ФИФАнын программасы боюнча топтук машыгууларга катышууда. Машыгуулар аптасына төрт жолу өткөрүлүүдө.

Машыгуу процесси чыдамкайлыкты, ылдамдыкты, күч сапаттарын, ошондой эле ар кандай деңгээлдеги беттештерде иш алып баруу үчүн зарыл болгон атайын физикалык көндүмдөрдү өнүктүрүүнү камтыйт.

Топтук машыгуулардан тышкары, бардык калыстар ФИФАнын талаптарын жана калыстыктын өзгөчөлүктөрүн эске алуу менен иштелип чыккан жеке машыгуу программаларын күн сайын аткарышат. Мындай комплекстүү ыкма сезон бою жогорку жүктөмдөргө даяр болууга жана оптималдуу физикалык форманы сактоого мүмкүндүк берет.