Таласта волейбол боюнча республикалык мелдеш өттү

Талас районунун Манас айылында 1-февраль күнү волейбол боюнча республикалык мелдеш өттү, деп билдирет Талас облустук жаштар иштери, дене-тарбия жана спорт башкармалыгы.

Маалыматка ылайык, ага облус аймагынан жалпы 21 команда катышты.

Жыйынтыгында байгелүү оорундарды ээлеген командаларга башкармалык тарабынан кубок, медаль жана диплом, демөөрчүлөр тарабынан акчалай сыйлыктар берилди.

Жыйынтык

• 1-орун Манас командасы (Талас району)
• 2-орун Кууганды командасы (Талас району)
• 3-орун Шекер командасы (Айтматов району)
• 4-орун Көк-Таш командасы (Бакай-Ата району).

Белгилей кетсек, мелдеш “Ардактуу атуул” кушубак Черикчиевдин жаркын элесине арналып өткөрүлгөн.