Баткенде Кыргыз улуттук классикалык күрөшү боюнча эл аралык мелдеш өтөт

Баткен облусунун Лейлек районундагы Раззаков шаарынын борбордук стадионунда 31-августта Кыргыз улуттук классикалык күрөшү боюнча Абдурахман Момуновдун жаркын элесине арналган эл аралык мелдеш өтөт. Бул тууралуу Дене тарбия жана спорт мамлекеттик агенттигинен кабарлашты. 

Спорттук иш-чара Кыргыз улуттук классикалык күрөшүнүн Республикалык федерациясы тарабынан бекитилген эрежелерге ылайык уюштурулуп, 18 жаштан жогору курактагы Кыргызстандын жана чет элдик балбандар катыша алат.

Салмак категориялары:

• 75 кг;
• 90 кг;
• 90+ кг.

Мелдештин алкагында абсолюттук беттеш да өткөрүлүп, ага 90+ кг салмак чегинен жогору ар бир командадан бирден балбан катышса болот.